ni Ronnie C. RegenciaAng pag-ibig ay parang softdrinks
Nakakatanggal ng uhaw
Sabi ng nanay ko tigilan ko na raw
Baka raw kasi ako magka diabetes
Bata pa naman ako
Kaya binaliwala ko
Sinamantala ko
At iba’t ibang brand pa ang sinubukan ko
Royal, Sprite, Coke o Pop Cola?
Sinubukan ko ang pag-ibig na Pop Cola
Ito ang pag-ibig na
“ Tama ang timpla. “
Lahat sa inyo ng kasintahan mo ay nasa tama
Wala kayong problema , palaging masaya
Ngunit naisip ko nakakatamad
Wala kasing thrill lahat ay perpekto na
May pag-ibig ding kakaiba
Ito ang pag-ibig na Coke
“ Mag Smile “
Mapatingin ka pa lang sa crush mo
Smile ka na agad
Ok
Kaso puro smile ka na lang
At ang pag-ibig na inaasam nating lahat
Ang pag-ibig na Royal
“ Kasi ito ang gusto ko.”
Kahit na nasasaktan ka na,
Basta mahal mo ang isang tao,
Gagawin mo ang lahat para sa kanya,
Kahit na sabihan ka ng tanga at bobo ng iba,
Kasi nga “ ito ang gusto mo. “
At minsan sinubukan ko na lang
Uminom ng Sprite
Nawala lahat ng bigat sa loob ko
“Freedom from thirst “ kasi,
Thirst sa pag-ibig
Ok yung ganito,
Single ka ngayon,
Walang problema
At happy sa ginagawa mo.
